Жедел! Сенатор имидждік жобалардан бас тартуды ұсынды

17 марта 2017

қаржы-және-бюджетСенат төрағасы еліміздің атағын шығаратын түрлі шаралардың санын барынша қысқартуды және оған бюджеттен қыруар қаржы бөлуді  тоқтатуды ұсынды. Өйткені, онсыз да соңғы жылдары қазынаның шығыны еселеп артқан. Ал пайда керісінше, төмендеп барады. Сондай-ақ, сенаторлар Ұлттық қордағы ақшаға да алаңдап отыр. Жыл сайын түрлі салаға мемлекеттік трансферттер бөлінгенімен, оның  қайтарымы жоқ, деп хабарлайды «КТК» телеарнасы.

Сенаторларды кейбір министрлердің ашкөзді алаңдатып отыр. Олар белгілі бір жобаға қаржы жетпей қалса, Ұлттық қорға қол салуға ұмтылады екен. Тіпті мұны әдетке айналдырып алған. Қаржы табудың басқа қосалқы көзін іздеуге ешкім ниет те білдірмейді. Осының салдарынан соңғы уақытта ел қазынасының шығыны еселеп артқан, ал түсім керсінше төмендеп кеткен. Бюджет табысының тең жартысы Ұлттық қордан бөлінген трансферттер жауып отыр екен.

Бірінші кезекте бюджеттің тиімділігін арттыру керек. Қазынадан қаржы бөлмес бұрын, әр тиынның қайда жұмсалатынын тыңғылықты жоспарлаған дұрыс. Сондай-ақ, ел абыройын көтеретін ірі имидждік жобаларға ақша бөлуді тоқтату  қажет, — дейді Сенат төрағасы Қасым-Жомарт Тоқаев.

Ол осылайша  Қазақстанның атын шығаратын халықаралық жиындар, көрмелер мен түрлі шараларды барынша қысқартуды талап етуде. Ол үшін белшеден шығындану – далаға ақша шашқанмен тең. Ал Дариға Назарбаева  бұдан бұлай бюджетті бекітпес бұрын, Үкімет алдын ала парламенттік тыңдау өткізсін деген ұсыныс жасады. Себебі халық қалаулыларына құжатты бекітуге өте аз уақыт берілетіндіктен, мемлекеттің шығынына сараптама жасап үлгере алмайды екен. Сондай-ақ, Назарбаева Ұлттық қордағы қаржынының да сұраусыз жұмсалып жатқанына тоқталып өтті.

Ұлттық қордағы ақша көбіне банктерді несиелендіру үшін бөлінеді. Одан қандай экономикалық пайда көріп отырмыз, қанша қаржы қайтарылды? Оның тиімді пайдаланылуын кім бақылайды?, — дейді Дариға Назарбаева.

Сенаторлардың алаңдауы орынды. Қазір ұлттық компанияларды қоспағанда, Үкіметтің мойнында 49 миллиард доллардан астам берешегі бар. Бірақ, қаржы мен экономикаға жауапты министрлер қыруар қарыздан еш сескеніп отырған жоқ.

-Ұлттық қордың табысын көбейту үшін Ұлттық банк қордың активтерін тиімді пайдалануды қолға алмақ. Ал мұнайдың баррелі  50 доллар болады деп есептегенде, Ұлттық қордың активі 2020 жылға қарай 80 миллиард долларға артады, — дейді ҚР Ұлттық экономика министрі Тимур Сүлейменов

2020 жылдан бастап Ұлттық қордан бөлінетін трансферт көлемі 800 миллион теңгеге қысқартылмақ. Сөйтіп, бюджет қаржысы көбіне әлеуметтік салаларға жұмсалады. Сонымен қатар ұлттық компанияларға бөлінген ақшаға бақылау күшейтілмек. Мәселен, Есеп комитеті «Астана ЭКСПО-ға» жұмсалған миллиардтардың қалай игерілгенін тексергелі жатыр.


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика