Жан Ахмадиев енді депутат болғысы келіп жүргенін жеткізді (видео)

4 апреля 2018

Еуразия бірінші арнасындағы «Қайырлы таң» бағдарламасына қонаққа келген заманауи жырау, журналист Жан Ахмадиев соңғы кезде ғаламторда көп талқыланған видеоға байланысты пікір білдірді. Және түнгі көбелектерді қамшымен сабағанына еш өкінбейтін сыңай танытты. 

«Келесі жолы жезөкшелер көшеге шығудан қорқатын болады. Себебі олар қамшымен сабап кетпейді ме екен деп әр клиентінен қорқатын болады», — дейді Жан Ахмадиев.

Болашаққа жоспарларымен бөліскен ол өзін депутат ретінде көретінін айтып қалды. «Соңғы кезде осындай ұсыныстар көбейіп кетті. Депутат болсам, біраз нәрсе өзгертер едім. Қазіргі таңда ондай адамдар (ред. еск. – депутаттар) мұндай қызметке белгілі бір мақсатты, өзінің жеке басының қамын көздеп барады.  Мен қарапайым халықтың ортасында жүргеннен кейін халықпен бірге болғың келеді. Әттең-ай дейсің, қолда кішкене билік болса, өзгерістер жасар едім. Біріншіден қазақтың дәрежесін көтерер едім. Қазақ стоянкада жұмыс істейді, қазақ – күзетші, қазақ кім – қазақ кондуктор. Сонда қазақ басқа жұмыс жасай алмай ма? Мақсатым – қазақтың сөзін сөйлеу, қазақтың жыртысын жырту», — дейді заманауи жырау.


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика