Ұстаз оқушылардың көз алдында босанып қалған

26 декабря 2017

Ресейдің Үфі қаласындағы мектептердің бірінде таңғаларлық жағдай жұрттың жағасын ұстатты. Оқиға 25 желтоқсанда болған. Жүктіліктің соңғы кезеңінде жүрген мұғалім білім беру мекемесінде босанып қалған. Бұл туралы «Башинформ» хабарлады. 

Басылым дереккөзінің мәліметінше, әйел адам қансырап жатқан. Ол мектептің әжетханасында босаныпты. Әзірше расталмаған мәлімет бойынша, шақалақ өлі туған, оның денесін мұғалім сөмкесіне салып алған екен. Оны оқиға орнынан жедел жәрдем алып кеткен. 

Қазіргі уақытта әйел ауыр жағдайда ауруханада жатыр. Әйелдің босанғанын дәрігерлер зерттеуден кейін ғана білген. Содан кейін ғана сәбиді іздеп, оның денесін науқастың сөмкесінен тапқан.  Әйелдің үш баласы бар болып шықты, алайда оның неліктен төртінші жүктілігі бойынша есепке тұрмағаны белгіісіз қалып отыр.

Жергілікті тергеу органдары оқиғаға байланысты тексеріс бастады. Сәбидің өлім себебін анықтау үшін сараптама тағайындалды.

Дереккөз: kaz.tengrinews.kz


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика