Сыннан қорытынды шықты

4 августа 2017

Мемлекеттік рәміздерді құрметтеу жастарды патриотизмге тәрбиелеудегі басты бағыттардың бірі.

Ал, «Қазақстан Республикасының мемлекеттік рәміздері туралы» Заңның орындалуын қадағалау жергілікті атқарушы органнның ( ішкі саясат басқармасының) төл міндеті.  Аталмыш заңның 13 бабына сай, Қазақстан Республикасының азаматтары, сондай-ақ Республика аумағында жүрген адамдар Қазақстан Республикасының мемлекеттік рәміздерін құрметтеуге міндетті. Орал қаласындағы Темір жол вокзалдың алдында орналасқан 10 дана Мемлекеттік Тудың бəрінің түсі өзгеріп, ескіргенін жəне бір көк Байрағымыздың жыртылып, салбырап тұрғанын көптен көріп жүрдім. Туымыздың қорланып тұрғанына патриоттық сезімім жібермей,  Заңдағы өз міндетімді толық сезіне отырып, қолыма қалам алып, 2 тамыз күні «qasym.kz» ақпараттық-танымдық порталына мақала жазған болатынмын. Міне, бүгін арнайы  темір жол вокзалына барып, Туларды қарасам 10 дана Туымызды түгел жаңасымен ауыстырып қойған. 
Ақын Алмас Ахметбекұлы
«Көктудың желбірегені —
Жаныма қуат береді.
Таласқа түссе жан мен ту жан емес, маған керегі-
Көктудың желбірегені» деп жырлағандай, вокзалдың алдындағы көк Байрақтарымыздың желмен жарыса желбіреп тұрғанын көріп қатты қуандым жəне жаныма қуат берді. Осы кемшілікті жоюға тез арада атсалысқан Абай.кз порталы ұжымына алғысымды білдіріп, шығармашылық табыс тілеймін. Сайтқа  мақалам шықпаса, Туымыз жыртылып, салбырап тұра берер ме еді…

Талғат Қатауов.

Орал қаласы. 

«Қасым-ақпарат»


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика