Шымкент тұрғыны жантүршігерлік қылмысқа барды

14 Ақпан 2018

Шымкентте қайын ағасы күйеу баласын пышақтап өлтірді, деп хабарлайды otyrar.kz. 

Бір апта бұрын түрмеден шыққан қайын ағасы күйеу баласымен бірге ішімдік ішкен көрінеді. Екеуара сөйлесіп отырған туыстардың арасында жанжал шығып, ақыр соңы қайғылы жағдаймен аяқталды.

Бостандыққа шыққанына көп болмаған азамат туысын жазаламақшы болып, оған пышақ сұғып алады. Ауыр жарақат алған 34 жастағы азамат ауруханаға жеткізілген. Дәрігерлер көп қан жоғалтқан науқастың өмірін аман алып қала алмады. Ол операция кезінде жүрегі тоқтап, көз жұмды.

«Жарақты ауыр болған. Пышақ ішіне кірген. Келген кезде қан қысымы жоқ болатын. Көп қан жоғалтқан. Шұғыл түрде ота жасағанымен, көп қан жоғалтқандықтан, жағдайы мүшкіл еді. Операция кезінде көз жұмды», — деді бөлім меңгерушісі Сәбит Байбосынов. 

Дерекөз: sputniknews.kz


Бөлісіңіз:


Qasym.kz - ©2011-2018 ҚР Ақпарат және коммуникация министрілігінің №16388-ИА куәлігі берілген.
Яндекс.Метрика