Қайыршының қалтасынан 750 мың доллар шықты

14 Ақпан 2018

Швециядағы Уппсала қаласының полицейлері жақында өзгеше қайыршыны қолға түсірді, деп хабарлайды The Times.

«Жолға жетпей тұр» деген сыңайда көшедегі халықтан қайыр сұраған оның «тіленшілік әдісі» күдік тудырған. Егер көшедегі адамдар сұрағанын беруден бас тартса, ол қала тұрғындарына мінез көрсетіп қорқыта бастаған.

Жергілікті полиция бөлімшесі басшысының айтуынша, ұсталған күдіктіні тінту барысында оның қойны-қонышынан бума-бума банкноттар төгілген. «Ішкі қалталары толы ақша, қайыршының қалтасынан шыққан осыншама көп бакноттармен бірінші рет кездесіп тұрмын»,-деді Яле Полияревиус.

Ұсталған «қайыршының» қалтасынан жалпы сомасы 6 млн крон (750 мың АҚШ доллары) шықты. Ол қала тұрғындарынан ақша бопсалады деген айыппен қамауға алынды.

Дереккөз: inform.kz

 


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика