Балықтың басы қайда?

12 июня 2018

«Балық-басынан шірейді»-дейді, дана xалық. Бұл мақал бүгінде де көп қолданысқа ие. Бірақ дұрыс қолданысқа ие ме?


Мысалы көлікпен келе жатып,МАИ қызметкері тоқтатса «Аға,келісейік те»-деп, аз-маз көлемдегі соманы(параны) беріп, жөнімізге кете береміз. Кейін «МАИ қызметкерлерінің барлығы пара алады»- деп,кеиміз. Сонда,кімдікі жөн? Кінә кімде? Бұндай мысалдар көл-көсір. Баланың туылунан бастап, өсуі, зейнетке шығуына дейінгі жолдың барлығы дерлік біреуден алып,біреуге берумен өтеді.
Туылса не ауырса дәрігерге кіріптар болып,кезексіз кіру үшін таныс іздейміз. Табылса маңғазданып, кезекте тұрғандардың көзін бақырайтып қойып қабылдауына кіріп, қаралып қайтамыз. Табылмаса пара беруге тырысамыз, сөйтіп жоғарыдағыны жасаймыз. Оған көнбеген жағдайда сол кезектегілердің қатарын толықтырып манағындайларды балағаттап бітеміз. Баланы балабақша не мектепке оқуға тіркеу тіптен тұнып тұрған параxана. Оқып жүрген мектебіндегі мұғалімдердің көңілін аулауға тағы шашыларсыз. Сөйтіп жоғарғы оқу орнына құжат тапсырамыз, білімі жетсе грант аламыз, жетпесе тағы да пара беріп, ақыры грантқа тіркетіп қоямыз.  Тағысын-тағылары. Осының бәрінде параны өзіміз ұсынып, өзіміз үкіметке өкпелейміз. Беруші болмаса-алушы қайдан келсін?

Балықтың басы сол жол ережесін бұзған не дәрігердің қабылдауына жызылған, мектепке тіркеген, грант алған жерде. Өз бойымыздағын байқамай, біреудің қолындағысына мін айту-надандық. Таза елде өмір сүргіміз келсе-өзімізден бастағанымыз абзал.

Сұлтан Мустафин


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика