8 жасар қызды зорламақ болған еркек сот алдына әкелінді

22 июля 2017

Түргенде 8 жастағы қызды зорламақ болды деп айыпталған ер адамның соты басталды, — деп хабарлайды Tengrinews.kz

Сот алдында Алматы облысы Еңбекшіқазақ ауданының 32 жастағы тұрғыны жауап береді. Ол кәмелет жасына толмаған адамға қатысты сексуалдық мәндегі зорлық әрекетін жасады деп айыпталып жатыр (ҚР Қылмыстық кодексінің 121-бабының 4-бөлігі).Сот алдында Алматы облысы Еңбекшіқазақ ауданының 32 жастағы тұрғыны жауап береді. Ол кәмелет жасына толмаған адамға қатысты сексуалдық мәндегі зорлық әрекетін жасады деп айыпталып жатыр (ҚР Қылмыстық кодексінің 121-бабының 4-бөлігі).

Еске салайық, 14 сәуірде Еңбекшіқазақ ауданындағы Түрген ауылының маңында 2008 жылы туған қызға шабуыл жасалған болатын. 32 жастағы жергілікті тұрғын қызды зорлағысы келді деген күдікпен ұсталған. Тергеу шараларын Еңбекшіқазақ аудандық ішкі істер бөлімі жүргізді. Күдікті ұсталып, уақытша ұстау изоляторына қамалған.
17 шілдеде күдікті Даврон Қозыбағаровқа қатысты тергеу аяқталып, онң ісі сотқа жолданғаны белгілі болды.  

Ал кейін Алматы өңірлік балалар клиникалық ауруханасының директоры Ролан Нұрбаев қыздың жағдайын айтып берген еді. «Қазіргі уақытта ол бізде ем алып жатыр, негізгі диагноз бас сүйек миы зақымданған, миы шайқалған, көз алмасы зақымданған. Оған неврологиялық салада көмек көрсетіліп жатыр. Біз психологиялық көмекте көрсетіп жатырмыз. Психолог күн сайын онымен жұмыс істейді», — деп хабарлаған болатын Нұрбаев. 


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика