Шенеуніктерге қазақ тілін білуді міндеттейтін заң қабылданбақ

1 марта 2018

Парламент мәжілісінің депутаты Берік Дүйсембинов қоғамның барлық саласында қазақ тілін кеңінен қолдануға міндеттейтін арнайы заң қабылдау керегін мәлімдеді деп хабарлады қазақстандық ақпарат құралдары.

Парламент мәжілісінің отырысында «Ақ жол» партиясынан сайланған депутат Берік Дүйсембинов премьер-министр Бақытжан Сағынтаевтың атына сауал жолдады. Ол «Ақ жол» партиясы президент Нұрсұлтан Назарбаевтың бастамасын саясат пен мемлекеттік салаларда ғана емес, басқа да салаларда қолдауға шақыратынын айтты.

«Қазір президенттікке кандидаттар ғана қазақ тілінен емтихан тапсырады. Біздің ойымызша, бұл тізімді кеңейту керек. Осыған байланысты «Ақ жол» фракциясы үкіметті мемлекеттік тілдің қолданылу аясын кеңейту туралы заң жобасын даярлауға шақырады» деді Дүйсембинов.

Дереккөз: Азаттық


Бөлісіңіз:


Qasym.kz - ©2011-2018; 2017 жылдың 10 наурызында ҚР Ақпарат және коммуникация министрлігінің №16388-ИА куәлігі берілген.
Яндекс.Метрика